As dat Läben so speelt

Helmut Holst

ISBN: 978-3-928905-01-5
Seitenzahl: 128
Verarbeitung: Broschur
Preis: 8,90 EUR
vergriffen
Erster Band mit Erlebnissen aus dem Leben eines Landbriefträgers. Daraus ergibt sich ein Zeitbild von Helmut Holst aus ernsten und heiteren plattdeutschen Geschichten und Gedichten. Zweifarbiger Umschlag, 14 x 20 cm, Broschur, mit Zeichnungen von Ulla Malenke.


Leseprobe
Wenn de Storm bruust, S. 41,

Dat gifft Minschen, de jümmers heel veel Malöör hebbt; un ik glööv, dor hör Hannes ok to. He kunn sik noch so afspaddeln un afmarachen, bums kreeg he weller een op’n Dööts.
Bevör Hannes morgens an de Arbeid güng, hal he bi’n Höker eersmal’n Emmer Magermelk rut. Buten luurn denn mehrstiets al welk vun sien Görn rüm, de müssen de Melk na Huus slepen.
Denn een Morgen harrn wi’n dulln Storm. Dat huul un fleit man so üm de Hüüs un lang de Straat.
Hannes harr’n Dag vörher Füürwehrgeld kassert. Dat harr he in de Mütz steken, denn sien Fruu Liedde kunn’n Barg Geld bruken un flöhn jümmers sien Taschen na.
Ja, un nu keem he bi’n Höker ut de Döör rut, in de een Hand denn Emmer mit Melk, in de anner harr he’n groot Tasch mit Brood. As he’n poor Schreed maak harr, kreeg de Storm sien Mütz tofaten un trudel ehr lang de Dörpstraat.
Hannes sett flink sien Emmer mit Melk un de Tasch dal un suust achter sien Mütz ran. Man as he sik noch mal ümkeek, dor süht he, dat so’n groter Köter vun sien Melk slappt. Nu nix wie torüch! He stell de Melk und de Tasch fix bi’n Höker rin un denn flitz he weller achter sien Mütz ran. Man, de harr al bannig Fohrt opkreegen un 100m Vörsprung. Aver denn harr he Glück, de Mütz bleev in een Dornbusch hingen un ganz ut de Pust kunn he ehr griepen.
De Geldschiens, de hett de nie wellerfunnen, de harr de Stormwind em klaut. Woveel dat weern, dat hett Hannes nie vertellt.
Na, un in de Melk harr de Storm ok noch Sand un Schiet rinweit.
Sühst Du, Du grienst! Hannes weer avers ni to’n Lachen tomoot!