Ach du leve Tied

Helmut Holst

ISBN: 978-3-928905-08-4
Seitenzahl: 112
Verarbeitung: Broschur
Preis: 8,90 EUR
vergriffen
Zweiter Band mit Erlebnissen aus dem Leben eines Landbriefträgers. Daraus ergibt sich ein Zeitbild von Helmut Holst aus ernsten und heiteren plattdeutschen Geschichten und Gedichten. Zweifarbiger Umschlag, 14 x 20 cm, mit Zeichnungen von Ulla Malenke.


Leseprobe
Dat kann Vadder ni, S. 76

Fröher müssen de Konner op’n Lann jümmers fix anfaten un bi de Arbeid helpen. Wenn’t nödig dä, speel de School keen Rull. De Arbeid harr Vörrang. Un "Opklärung" un "Sexünnericht" geev dat ok ni. Wat dor nödig weer, dat lern se nebenbi. So güng dat ok Heini, een Bengel vun 13 Johrn. Sien Öllern harrn ‘n lütt Instensteed, mit ‘n poor Tünn Land un een Koh. Vadder müß annerwegens toverdeen.
Vunnmorgen sä Vadder to Heini: "Bevör du na School geihst, treckst du ersmal mit de Koh na’n Gemendebulln, Hinnerk Klüver weet Bescheed!" Heini wüß, wotau dat nödig weer. He hal sik ‘n Reep un tröck los.
In Dörp lööp he den Paster in de Mööt un de fröög em: "Segg mal, Heini, mußt du no ni in de School wesen?"
"Nee, Herr Paster! Ik mutt mit de Koh na’n Bulln", anter Heini.
"Kann dat denn ni dien Vadder maken?" - "Oh nee, Herr Paster! Dat mutt de Bull maken", meen Heini swiensplietsch un tröck wieder.
De Paster keek em na un schüddkopp. Wat schull he dortau ok noch seggen.