Oh, wat is dat een Vergnögen...

Peter Wippich

ISBN: 978-3-928326-20-9
Seitenzahl: 95
Verarbeitung: Broschur
Preis: 8,90 Euro
vergriffen
Niege Riemels für plattdüütsch Lüüd! Dieses Büchlein kann auch dem zur Freude werden, der nicht mit der plattdeutschen Mundart aufgewachsen ist. Eine kleine Lesehilfe für Hochdeutsche ist den Gedichten angefügt.


Leseprobe
Plön

Bi uns in Plön, in uns lütt Stadt,
möögt wi geern sien un leven,
denn se hett veel vun fröher wat,
un doch deit't Nieges geven.

Ehr ganz besünners Schmuckstück is,
al her ut Herzogstieden,
dat Slott, wat du vun wiet al sühst,
witt lücht dat na all Sieden.

Groot liggt dat baven övern See,
hoch över Hüüs un Straten,
wo gifft't in Holsteen noch een Stee',
de uns so freit vun Harten.

De Inseln und de velen Seen,
wo de groot Aadlers brüten,
ok de höört so to uns smuck Plön,
as Prinzenhuus und Twieten.

De Prinzeninsel dörf ik nich,
den Strandweg nich vergeten,
de Parnaß höört in dit Gedich',
wiel dor maal Musen seten.

Hier is't noch so, dat veel sik kennt,
kuum frömd sünd sik de Minschen.
Veel Lüüd sik noch bi Namen nenne
un "Goden Dag" sik wünschen.

As dat hier steiht, mag ik uns Plön,
doch will ik dor nich strieden,
wenn anner so, dat mag goot ween,
to'n Bispeel Preetz möögt lieden.